Erniarraitz Sariketa 2014-01-29

Saioa Alkaiza nagusi lehenengo kanporaketan

Joan zen ostiralean abiatu zen Erniarraitz Sariketaren zazpigarren edizioa, Azpeitiko Sanagustin kulturgunean. Honako bertsolari hauek aritu ziren kantuan: Jon Gurrutxaga (Azpeitia) Maddi Ane Txoperena (Hendaia) Saioa Alkaiza (Iruñea) Malen Amenabar (Larrabetzu) Unai Mendizabal (Zizurkil) Eneritz Artetxe (Azkoitia) Azkenean Saioa Alkaizak lortu zuen lehenengo postua, eta zuzenean sailkatu da finalera. Bigarren Eneritz Artetxek egin zuen, eta aukerak dauzka bertara sailkatzeko. Bigarren kanporaketa ostiral honetan jokatuko da, gaueko 22etan, Errezilgo Borondegin. Nekane Zinkunegi, Josu Oiartzabal "Xenpelar", Paula Amilburu, Jon Ander Iriondo, Ugaitz Beristain eta Amaia Iturriotz ariko dira kantari. Finala otsailaren 14an jokatuko da, Azpeitiko Gaztetxean.

• 
•