Bertso Eguna Donostian 2014-01-29

Afalosteko emanaldian

Bertso-sorta musikatu batzuk eman zioten hasiera afalosteko emanaldiari. Maialen Akizu, Eli Pagola eta Kattalin Barcena igo ziren oholtzara pianoz lagunduta bertso-jarriak kantatzera.

Jarraian, Aitor Bizkarra eta Joritz Baztarrika gitarra jotzen eta Paule Loizaga, Oihana Makazaga, Uxue Larruker, Aitor Servier eta Asier Galartza kantuan. Hauek ere bertso-jarri musikatuak eskaini zituzten.

Ondoren, bi abesti entzun ahal izan ziren Lorratzak taldearen eskutik.

Kantu saioaren ondoren, hainbat ikusentzunezko eskaini zituzten Manteo kiroldegian: Zergatik Walli animazio-bideoa eta esketxak, Nesketxak.

 Arratsaldean bakarrik ez, gauean ere galderak sortzen eta eragiten jarraitu zuten Bertso Egunaren antolatzaileek.

Gauari amaiera eta goizari ongi-etorria egiteko, Laket musika-taldeak jarri zuen dantzarako musika.

• 
•