Kabitik Plazara ekimena 2009-04-02

Bertso-afaria izango da larunbatean

 Aurrera doa Kabitik Plazara ekimena. Txolarre herri irratiak antolatu du ekimen hau. Datorren larunbatean bertso afaria izango da Tolosako Iurre elkartean, gaueko 21etan hasita. Honako bertsolari hauek kantatuko dute:

 Bixente Gorostidi
 Jexux Mari Irazu
 Anjel Mari Peñagarikano

 Bertso afariak bi zati izango ditu. Hasieran Igotz Alkortak jarritako gaiei kantatuko diete bertsolariek. Ondoren librean ariko dira. Afaltzera hurbiltzen direnek honako menu hau izango dute: Zizka-mizka hotz eta beroak, entsalada epela, txerri azpizuna patata pure eta hirugiarrarekin, tarta izoztua, kafea eta kopa. 25 eurokoa izango da prezioa. Sarrerak Iurre Elkartean bertan, Raku tabernan eta Galtzaundiren egoitzan eskura daitezke.

 Informazio gehiago nahi izanez gero egin klik hemen edo sartu Txolarre Irratiaren web orrian.

• 
•