Arabako Bertso Kuadrilla Artekoa 2014-03-06

Atsedenaren ondoren, berriz ere martxan jarri dira Araban

 Inauterietan atseden hartu ondoren, aurrera doa Arabako Bertso Kuadrilla Artekoa. Jada 13 saio jokatu dira, eta beste 6 falta dira, horietako bi asteburu honetan, biak larunbat eguerdiz. Dagoeneko bat-bateko talde guztiek gutxienez saio batean kantatu dute.

 Larunbatean Zalduondon egingo da saio bat, Zalduondoko Zeledonen seme-alabak taldeak antolatuta. Beraiekin batera ariko da Aguraingo Sorginetxe taldea. Idatzizko bertso-sorta, berriz, Zalduondoko bertso-eskolako gazteek osatu dute.

 Bigarren saioa ere larunbat eguerdian izango da, Izarran, Urkabustaizko bertso-eskolak antolatuta. Beraiekin batera kantuan ariko da Amurrioko taldea.

 Dena prest azken saiorako

 Beraz, 6 saio baino ez dira falta Bertso Kuadrilla Artekoa bukatzeko. Azkeneko saioa apirilaren 5ean egingo da, Agurainen, eta egun osoko egitaraua prestatu dute:

 -11:00etan Txosnan hitzordua, Andramari Plazan
 -12:00etan bat-bateko eta idatzizko taldeekin poteo ezberdinak herri osoan zehar, Andramari Plazatik hasita
 -15:00etan bazkaria Andramari Plazan (Eguraldi txarra eginez gero Institutuko kiroldegian)
 -17:00etan puntuka nahi duten partehartzaile guztiekin
 -18:00etan kontzertua: Gibelurdinek
 20:30etan Bertso-Punk emanaldia

 Bazkaritarako izena eman nahi duenak bi aukera dauzka. Telefonoz egin dezake honako zenbaki honetara deituta: 675707971. Emailez ere egin daiteke (araba.sustapena@bertsozale.com). Txartelaren prezioa 12 eurokoa da.

• 
•