Axari Saria 2009-04-06

Maialen Velardek irabazi du

 Axari saria jokatu zen ostiralean Idiazabalgo Axari elkartean. Honako bertsolari gazte hauek aritu ziren kantuan:

 Maialen Velarde
 Jone Uria
 Ekhi Erremundegi
 Aritz Garin
 Adur Gorostidi
 Arrate Illaro

 Jon Telleria aritu zen gai-jartzaile lanetan. Azkenean, Maialen Velardek jaso zuen entzuleen botoek emandako Axari saria.

 Axari saritik, gainera, bi bertsolari sailkatzen dira Osinalde sariko finalera. Epaimahaiak Maialen Velarde eta Jone Uria aukeratu zituen. Beraz, bi bertsolari hauek apirilaren 25ean Gabirian kantatuko dute, Maddalen Arzallus eta Odei Barrosorekin batera. Falta diren bi bertsolariak apirilaren 18an sailkatuko dira. Egun horretan Aztiri saria jokatuko da Aztirin. Gaueko 20:30etan hasiko da saioa, eta honako bertsolari hauek ariko dira kantuan:

 Saioa Alkaitza
 Mikel Artola
 Ekaitz Samaniego
 Unai Gaztelumendi
 Julen Agirre
 Miren Amuriza

 Honen berri eman dute Hitza eta Garak ere.

• 
•