Atzo zabaldu zen epea 2014-03-12

Bertso-udalekuetan izena emateko epea zabalik

 Atzo zabaldu zen Bertso-Udalekuetan izena emateko epea. Martxoaren 27ra bitarte bertso-eskoletako kideek eta gurasoren bat Bertsozale Elkarteko bazkide dutenek izango dute lehentasuna. Aurtengoan ere bost txanda izango dira denera, 9 urtetatik hasi eta 18 urtera artekoentzat. Baigorrin, Arrazolan, Irañetan, Orion eta Zuhatzan izango dira txandak.

 Aurtengoa 17. edizioa izango dute Udalekuek, eta Euskal Herri osoko haur eta gazteek hartzen dute bertan parte. Euskalki aniztasuna bermatua dago, beraz. Gainera, bertsoarekin zuzeneko harremana izateko aukera egoten da bertan, eta baita kantagintzarekin ere, txanda bakoitzean kantuak sortzen baitituzte.

 Begirale eta sukaldariak ere bertso mundukoak eta aisialdian esperientzia dutenak dira. Aurtengoan 45 gazte ariko dira lan horietan. Informazio gehiago nahi izanez gero egin klik hemen.

• 
•