Bardoak 2014 2014-03-18

Giro ederra Elizondoko kanporaketan

 Bigarren fasean sartuta dago Bardoak 2014 ekimena. Joan zen ostiralean Elizondoko Intza Ostatuan jokatu zen saiora 60 lagun bertaratu ziren, eta giro ederrean osatu zuten bertso-saioa "Lepatanatuek 2" talde baztandarrak eta "Zortziko Haundiena" talde lesakarrak. Lehenengoen ordezkari aritu ziren Xabi Maia, Kotte Plaza eta Oier Amiano. Bigarren taldea, berriz, Maddalen Lopez, Eneko Fernandez eta Iban Garrok osatu zuten. Lehenengoentzat izan zen jokoan zegoen puntua. Itzulerako saioa martxoaren 29an izango da, Igantzin egingo den bertso-afarian.

 Asteburu honetan atseden hartuko dute Bardoek eta martxoko azken asteburuan itzuliko dira, bigarren faseko azkeneko lau saioekin.

• 
•