Aztiri Saria 2014-03-31

Mikel Iturriotz eta Xabi Igoa Osinalde Sariko finalera

 Joan zen larunbatean jokatu zen Osinalde sariko hirugarren kanporaketa: Aztiri Saria. Aztiri Elkartean 65 lagun elkartu ziren saioa jarraitzeko, eta honako bertsolari hauek aritu ziren kantuan:

 Xabi Igoa (Aramaio)
 Irati Majuelo (Iruñea)
 Eñaut Martikorena (Hernani)
 Mikel Iturriotz (Urretxu)
 Eneritz Artetxe (Azkoitia)
 Txaber Ormazabal (Arrigorriaga)

 15 urtean zehar gai-jartzaile lanak Jokin Matxinandiarenak egin ondoren, aurten erreleboa hartu eta Eresti Oiarbide aritu da lan horretan. Gainera, bertsolariek koplak kantatzeko Miren Debaren eta Jon Elustondoren trikiti eta panderoa izan dituzte lagun. Azkenean Xabi Igoak eta Mikel Iturriotzek lortu zituzten Osinalde Sariko finalerako txartelak. Entzuleen saria, berriz, iaz bezala, Eneritz Artetxek lortu zuen. Gauzak honela, jada erabakita dago apirilaren 12an ze seikote ariko den Osinalde Sariko finalean:

 Malen Amenabar
 Josu Oiartzabal
 Aitor Irastortza
 Aitor Salegi
 Mikel Iturriotz
 Xabi Igoa

 Aurtengoa 43. edizioa du Osinalde Sariak.

• 
•