Bertsomovieda 2014-04-01

26000 bisitatik gora izan ditu Bertsomoviedak

 Igandean bukatu zen Bertsomoviedan botoak emateko epea eta epaimahaiak jada eman du aurtengo saridunen berri. Denera 24 lan aurkeztu dira aurtengoan, eta 26 000 bisita baino gehiago jaso ditu webguneak. Antolakuntzak lanen aniztasuna eta kalitatea azpimarratu ditu, eta baita Twiterren izandako jarraipena eta oihartzuna ere.

 Aurtengoan, helduetan lehenengo saria Lander Garro eta Maddalen Arzallusen "Paradisua lurpean" lanak jaso du. 1000 euroko saria lortu dute. Bigarren "Gero Pentzauku Produkxions" talde oñatiarraren "Bertsofrikia" gelditu da  eta 350 euroko saria izango dute. Gazteetan, berriz, Zarauzko Etxe Beltz bertso-eskolaren "Handitan bertsolari izan nahi dut" lana gailendu da eta 300 euroko saria irabazi du. Bigarren Zurriola ikastola gelditu da "Bertsotan non... eta ikastolan!" lanarekin, eta 100 euro jasoko ditu.

 Atzo jada argitaratu bezala, publikoaren saria, 500 euro beraz, Beira taldeak eta Izaskun Bernedok lortu dituzte "Sar dadila kalabazan" lanarekin. Bertsorik onenak lan honetarako Jon Martinek egindakoak izan dira eta 250 euroko saria jasoko du.

 Sari-banaketa ekitaldia hilaren 11n egingo da, ostiralez, Beasaingo Igartza Jauregian iluntzeko 19etan.

• 
•