Hil zeneko urteurrenean 2014-04-03

Lazkao Txiki oroituko dute Lazkaon

 1993ko apirilaren 3an hil zen Joxe Migel Iztueta "Lazkao Txiki" bertsolari maitatua. Bere heriotzaren urteurrena dela eta, ekitaldi-sorta antolatu dute Lazkaon. Bihar bertso-afaria egingo da Lazkaomendiko Lartxai Elkartean, Beñat Gaztelumendi eta Alaia Martinekin.

 Igandean, berriz, Lazkaoko Lazkao Txiki Zelaian, ekitaldia egingo da eguerdiko 12:30etan. Lazkao Txikiren irudiaren aurrean bertsoak, musika, dantza eta beste hainbat sorpresa izango dira.

 Azkenik, apirilaren 9an, asteazkenez, arratsaldeko 16:30etan, haurrentzako jolasak izango dira plazan.

• 
•