Hitzetik Hortzera 2014-04-04

Denboraldiko azken Hitzetik Hortzera

Igandean amaituko da Hitzetik Hortzeraren aurtengo ikasturtea. Irailan itzuliko da uda amaierako eta udazkeneko bertsoplazaren onenarekin.

Denboraldiko azken Hitzetik Hortzera Donibane-Garazin izango da. Garazi Ikastolako Integrazio-batzordeak antolatutako bertso-afarian izan ziren kantuan Maddi Sarasua, Odei Barroso, Sustrai Colina eta Xan Alkhat. Battitte Crouspeirek egin zituen gai-jartzaile lanak.

Azken urteetan aurrerapauso handiak eman dituzte Ipar Euskal Herrian bertsoaren transmisioan eta horren berri emango dute Maddi Sarasuak eta Xan Alkhatek.

Aimar Karrika da aurrepauso horien "errudunetako" bat. Kilometro asko egiten ditu errepidean eskolaz eskola gaztetxoenei bertsolaritza gerturatzen eta Hitzetik Hortzerako lan-taldeari kantatu dizkio autoan izan ohi dituen gogoetak.

Bigarren saioa Azkoitiakoa. Floreaga Salestar ikastetxeak Euskal-Kultur jardunaldien baitan antolatutako bertso-jaialdia. Andoni Egaña, Amets Arzallus, Maialen Lujanbio eta Jokin Uranga kantari Juan Inazio Sudupe gidari dutela.

Hitzetik Hortzera, igandean arratsaldeko 15:00etan ETB1-en

• 
•