Bertsolaritzak ere presentzia du obran 2009-04-18

"Aulki hutsa" antzezlana estreinatuko da gaur

 Le Petit Theatre de Pain taldeak "Aulki hutsa" antzezlana plazaratuko du gaur Hazparnen, Ander Lipusen zuzendaritzapean. Manex Fuchs aktoreak antzeztutako bakarrizketa bat da obra. Horrez gain, Xumai Murua eta Eneritz Zabaleta ariko dira bertsotan.

 Beñat Zamalloak honen inguruko erreportajea egin zuen Berriarako. Eneritz Zabaletari galderak egin zizkion bertan.

 Joseba Sarrionandiak idatzitako testua da "Aulki hutsa". Eneritz Zabaletak azaldu duenez, "badakit oso testu landua izan dela, eta zaila da Sarrionandiaren testu bati zuk beste zerbait eranstea bat-batean. Saiatu behar zara ematen zerbait jakinez ez zarela idazle bat, bertsolari bat zarela, eta eman behar diozu ukitu berezi bat. Ez da erraza, baina polita da."

 Lehenago ere halako lanetan aritua da Eneritz Zabaleta, Antton Lukuk idatzitako "Euscaldunac" obran hain zuzen ere. Oraingo hau ezberdina izango dela dio, ordea, bakarrizketa bat baita.

 Gaur izango da emanaldia, iluntzeko 20etatik aurrera, Hazparneko Ttattolan.

• 
•