Bizkaiko Eskolartekoa 2014-05-21

Bigarren saioa izango da gaur

 Atzo abiatu zen Bizkaiko Eskolartekoa Deustun, eta gaur bigarren saioa izango du Algortako Kultur Etxean, arratsaldeko 15etan. Uribe Kosta eta Portugaleteko bertso-eskolak ariko dira bertan. Bihar Bermeon izango da hitzordua eta etzi Elorrion. Behin kanporaketak bukatuta, ekainaren 7an egingo da 15 eta 18 urte bitartekoen finala.

 Dena den, Eskolartekoa ez dira kanporaketak bakarrik: gazteentzako saioak, bertso meriendak, barnetegiak eta topaketak, bertso-eskolen egunak, udalekuak, negulekuak, idatzizko sariketak eta bat-bateko txapelketak antolatzen dira. Hala, Eskolartekoa urte osoan egindako lanaren erakusgarri da, eta, antolatzaileen hitzetan, hainbat helburu dauzka: "ume eta gazteek jendaurrean kantatu ahal izatea, harremanak egitea, euren hurrekoak bertsozaletzea, edota antolakuntza beharretan ardurak hartzen ikastea...."

• 
•