Egun osoz 2014-05-31

Arabako bertso eskolen festa gaur Legution

Arabako Bertso Eskolen Eguna ospatuko da gaur Legution, eta Eskolarteko finala ere jokatuko da egun horren baitan. Goizeko 11:00etan hasiko da egitarua, kulturetxean. Egun horren baitan. Maiatzaren 9an eman zitzaion hasiera Eskolartekoari Araban eta bitarte honetan lau kanporaketa burutu dira bi adin tartetan, 14tik beherakoak eta 14 eta 18 urte bitartekoak eta bi modalitatetan, bertso jarriak eta bat-batean. Topaketak Gasteizen, Zalduondon, Aramaion eta Kanpezun burutu dira, orotara Gorbeialdeko, Gasteizko, Lautadako eta Mendialdeko haur eta gazteak aritu dira. Denera 60 bat haur eta gazte bertsolarik hartu dute parte.

Egitaraua
11:00etan,  bertso jarrien txanda Legutioko Kultur etxean.
11:30ean, 14tik 18 urte bitartekoak arituko dira bertso jarrietan et bat batean.Handien mailako finala izango da, kanporaketetatik sailkatutako 6 gazterekin.

Eskolarteko finalean kantatuko duten sei gazteak:
-Egoitz Iradier
-Maddalen Arrausi
-Maria Fuentes
-Markel Yoyer
-Peru Abarrategi
-Unai Argote

13:00etan, triki bertso poteoa herriko kaleetatik

15:00etan, herri bazkaria izango da herriko plazan edota frontoai, eguraldiaren arabera.

16:30ean, herri olinpiadak
 
2014ko Eskolartekoaren festa Orion amaituko da ekainaren 21ean, Euskal Herriko Eskolartekoan.
 

• 
•