Iparraldeko Eskolarteko Xapelgoa 2014-06-03

Hazparneko finala ikusgai

Bertsu-eskolen Eguna izan zen  larunbatean Hazparnen eta bazkalostean jokatu zuten Iparraldeko Eskolarteko finala. Oholtzan bost lapurtar, Kerman Diaz, Aitor Servier, Nahia Sasco, Lur Renteria eta Ainhoa Sarasua, eta Ibai Capot xiberutarra. Xan Alkhatek egin zituen gai-jartzaile lanak.

Bakoitzak bina ofizio osatu zituzten, bat zortziko handian eta bestea zortziko txikian. Ondoren bakarka aritu ziren kantuan: Xanek jarritako bi punturi erantzuna lehendabizi eta gaiari bina bertso ondoren.

Behin lan puntuagarriak amaitu eta bukaerako agurrak abestua sailkapenaren berri eman zuen Xan Alkhatek.

Daniel Landartek jantzi zion txapela Aitor Servierri. Nahia Sasco sailkatu zen bigarren eta Ibai Capot xiberutarra ere Euskal Herriko Eskolarteko finalean izango da Aitor eta Nahiarekin batera.

Ekainaren 21ean izango da Euskal Herriko Eskolarteko Txapelketaren finala Orion.

• 
•