Bertso-Eskolak antolatuta 2014-06-04

Unai Uberetagoenak irabazi du Barañaingo lehen kopla txapelketa

Barañaingo lehen kopla txapelketa jokatu zen ostiralean, Nafarroako zortzi bertsolariren parte-hartzearekin. Iruñeko Unai Uberetagoenak irabazi zuen Barañaingo Bertso Eskolak antolatu duen ekimen berri honen lehen edizioa.
Zortzi bertsolarik hartu zuten parte ostiralean Barañaingo lehenengo kopla txapelketan: Barañaingo Ander Baiano, Ainara Ieregi, Mintxo Astiz eta Mikel Lasarte; Iruñeko Marc Febre eta Unai Uberetagoena; Aezkoako Imanol Ubau eta Larraungo Joana Ziganda izan ziren taulara igo ziren zortzi bertsolariak. Haizea elkartean jokatu zen, bertsozaleek bete egin zuten aretoa eta giro ederra sortu zuten.
Lehenengo fasean agur puntuagarria eta bina ofizio egin zituzten parte-hartzaileek. Lau pasatu ziren bigarren fasera, aurkezlearen zortzi galderei erantzun behar izan zioten bertsolariek eta objektu bati abestu.
Buruz burukora Iruñeko Unai Uberetagoena eta Larraungo Joana Ziganada pasatu ziren. Azkenean Unai Uberetagoenak irabazi zuen Barañaingo lehenengo kopla txapelketa.

• 
•