Gernika-Lumon, 10:00etan hasita 2014-06-05

Bizkaiko Bertso Eskolen Eguna eta Eskolarteko finala zapatuan

Bizkaiko Bertso Eskolen festa izango da zapatuan Gernika-Lumon. Goizean Eskolarteko finala jokatuko da bat-batean zein idatzizkoan. Ondoren bazkaria eta arratsaldean bertso-eskolen tartea izango da. Aurrez kanporaketak jokatuta, hauek dira aurtengo Eskolarteko finalistak: Aitor Bizkarra Ruiz, Ander Uzelai Aristi, Asier Alcedo Cano, Asier Galarza Garai, Eneko Aldana Carrasco, Iker Garitagoitia Astigarraga, Koldo Gezuraga Seijido eta Unai Mendiburu Valor. Irabazlea eta bigarrena Euskal Herriko finalean izango dira. Zapatuan Bertsoa.com ere Gernika-Lumon izango da bertsoak bildu eta hautaketa sarean zabaltzeko.

Egitaraua:
10:00etan: bertso idatzien finala
11:30ean: bat-bateko sariketaren finala.
13:30ean: sari banaketa
14:30ean: bazkaria
16:30ean: bertso eskolen tartea
Ostean, erromeria Oskar Estangagaz 19:30ak arte.

Eskolarteko txapelketa Bizkaiko Bertsozale Elkarteak eta Ikastolen Elkarteak antolatzen dute, Laboral Kutxak babestuta eta Gernika-Lumoko Udalak eta Astrak lagunduta.

• 
•