Aurten 27. edizioa izan da 2014-06-10

Baztan-Bidasoako Bertsopaper Lehiaketako sariak banatu dira

 Baztan-Bidasoako Bertsopaper Lehiaketako sari-banaketa egin zen joan zen ostiralean Berako Kultur Etxean. Bera eta Lesakako bertso-eskoletako gaztetxoek lau bertso-antzerki egin zituzten sariak banatu aurretik.

 Aurtengoa 27. edizioa izan da eta 162 lan aurkeztu dira denera. 10 urte artekoetan, Orti Arotzena Portu lesakarra nagusitu da "Zozketan irabazle" lanarekin. Bigarren saria hiru lagunentzat izan da: Jon Urrusolo Elgorriaga lesakarra ("Kanpora zoaz"), Adur Huizi Matxiarena beratarra ("Paxtor") eta Ekhiñe Taberna Fagoaga beratarra ("Bera").

 11 eta 14 urte arterkoetan Ekhiñe Zapiain Arlegi beratarra nagusitu da "Ez da erraza izan" lanarekin. Bigarren postua Lesakako Uxue Mesa Garmendiak lortu du "Maleta prestatzen" lanarekin. Horrez gain, beste hiru lanek aipamen berezia lortu dute: Iratxe Muxikaren "Lanera urruti", Kattalin Berasainen "Sari kadukatua" eta Nahikari Loiarteren "Nere lagunak".

 15 eta 18 urte artekoetan "LOMCE" sortarekin Maddalen Lopez Tapia lesakarrak jantzi du txapela. Bigarren Beñat Etxekolonea Diez zubietarra geratu da "Euskara" lanarekin.

 Azkenik, 18 urtetik gorakoetan Julen Zelaieta Iriarte beratarra geratu da txapeldun "Oroitza soil bat" lanarekin. Bigarren saria Eneko Fernandez Maritxalar lesakarraren "Hauteskundeak" sortak lortu du.

• 
•