Bertso-jaialdia Andoainen 2014-07-07

Urteroko plazak galdu gabe

Herri-kirolak eta bertsolariak, horixe urtero andoaindarrek ekainaren 24an izaten duten jaia. Goiko Plazan elkartzen dira denak, zahar eta gazte arratsaldea pasatzeko asmotan. Herri-kirolarien bueltan ibili ondoren, oholtzaren aurrean esertzen dira bertsolarien kantua entzutera.

Dena ez da betiko izaten eta kanturako seikotea urtero urtero aldatzen dute. Aurten, Aitor Mendiluze, Jon Maia, Iker Zubeldia Amaia Agirre, Xebastian Lizaso eta Patxi Etxeberria izan dira kantuan, Ion Beloki gai-jartzaile gaztearen agindupean.

Ez zuten saio luzea egin, ordu betean amaitu zituzten lanak, baina denbora gutxian ale polit asko utzi zituzten sei bertsolariek.

 Udako plazetan ohi bezala, umorean asmatu zuten batik bat: Xebastian Lizaso Patxi Etxeberriaren arraindegian lanean hasita, Aitor Mendiluze eta Jon Maia Juan Carlos errege-ohiaren eta Felipe errege izendatu berriaren lekuan, Iker Zubeldia eta Amaia Agirre jaietako txosnan atera ezinik...

• 
•