Ahoa Bete Hots 2014-07-02

Gaur hasiko dira jardunaldiak

 Gaur hasiko da Ahoa Bete Hots jardunaldien bosgarren edizioa. Mintzola fundazioak antolatuta, aurtengoan antzerki, bertsolaritza, kantagintza eta ipuingintzaren transmisioaz ariko dira. "Esan berriz esan" jarri diote leloa. 27 lagunek eman dute izena eta hiru egunez Subijana Etxean izango dira.

 Gaurkoan hiru izango dira hizlariak, eta kantagintzaz ariko dira. Hasteko, Mikel Markez euskal kantagintzaren transmisioaz ariko da. Ondoren, Amaia Zubiriak "Kantua entzun, entzuna kanta" saioa eskainiko du. Atsedenetik bueltan, Maika Etxekoparrek Zuberoako kantu transmisioaren inguruko azalpenak emango ditu. Eta eguna borobiltzeko, berriz ere Mikel Markez izango da protagonista. Euskal kantagintzan mugarri izan diren abestiekin kantaldia eskainiko du. Egoitz Zelaiak egingo ditu lehendabiziko egun honetako aurkezle lanak.

 Datozen bi egunetan ere hitzaldiak izango dira. Bertsoa.com bertan izango da gertatzen denaren inguruko xehetasunak emateko.

• 
•