Ahoa Bete Hots 2014-07-04

Gaur bukatuko dira jardunaldiak

 Hiru egunen ondoren, gaur bukatuko dira Ahoa Bete Hots jardunaldiak. Denera bederatzi hitzaldi izango ditu aurtengoak, ahozko kultur generoen transmisioa gaitzat hartuta.

 Gaurko saioan beste hiru hitzaldi izango dira. Goizeko 9:00etatik aurrera Xabier Amuriza bertsolari eta idazlea bertsolaritzaren transmisioaz jardungo da.

 Ondoren, 10:00etan, Antton Irusta ipuin kontalari eta irakaslearen txanda izango da. Ipuinen transmisioaz ariko da bera.

 Atsedenetik bueltan Miren Artetxe bertsolari eta EHUko ikertzaileak hartuko du hitza. Ikerketa lan bat egiten ari da gaur egun, bertsolaritzaren transmisioak Ipar Euskal Herriko gazteen hizkuntza erabileran daukan eraginaz. Ikerketaren nondik norakoak aurkeztuko ditu gaur.

 Bukatzeko, 12:30etatik aurrera, Xabier eta Miren Amurizak bertso-saioa eskainiko dute.

 Gaurko saioan Joxe Mari Carrere ipuin kontalari Elkarteko kideak egingo ditu aurkezle lanak.

• 
•