"Bertsoa Unibertsitatean" 2014-07-08

Jardunaldien bigarren eguna izango da gaur

 Atzo hasi zen "Bertsoa Unibertsitatean" zikloa Donostiako Miramar jauregian. Gaur "Bertsolaritza eta Ahozkotasuna hezkuntza arautuan" ikastaroko bigarren jardunaldia izango da.

 Goizeko 9:15ean Juan Kruz Igerabidek emango du lehenengo hitzaldia: "Igarkizunetik iragarkizunera". Ondoren, 10:45ean, Pello Añorgak "Kontaketaren erritmoan" saioa eskainiko du. Goiza bukatzeko, Ainara Gurrutxagak antzerkia haurrekin lantzeko jolas eta ariketak aurkeztuko ditu.

 Bihar bukatuko da lehenengo ikastaroa. Ondoren, ostegun eta ostiralean, "Bertsolaritza eta beste sorbideak" eta "Bertsolaritza eta gaurko gizartea" ikastaroak izango dira ziklo beraren baitan. Oraindik badago izena emateko aukera. Osteguneko ikastaroaren baitan, gainera, iluntzeko 19:00etan bertso-saio esperimentala egingo dute Miramar Jauregian bertan. "Gai edozertarako" izenburua hartuta, bertsogintza beste sorbideekin uztartuko dute Maialen Lujanbiok eta Unai Iturriagak Jon Martinen gaiei segika. Ixak Arrutik musikatuko du saioa. Saioko sarrera dohakoa izango da, baina gonbidapenak eskatu beharko dira Bertsozale Elkartera deituta.

• 
•