Bertsoa Unibertsitatean 2014-07-08

Igarkizunak, kontaketak eta antzerkia

 Aurrera doaz "Bertsoa Unibertsitatean" zikloaren barruko ikastaroak. Gaur "Bertsolaritza eta Ahozkotasuna Hezkuntza Arautuan" ikastaroen bigarren eguna izan da Donostiako Miramar Jauregian. Juan Kruz Igerabide igarkizunen inguruan aritu da hizketan eguna hasteko. Azaldu duenez, igarkizunetik iragarkizunerako jauzian aritzen gara: bizitza bera ere igarkizun bat da azken finean, eta haurtzaroan funtzio garrantzitsua betetzen dute igarkizunek.

 Pello Añorga kontaketaren erritmoan aritu da, ipuinaren barruan elementu berriak sartuz. Bere iritziz, ipuin baten funtzio handiena, balioak ematea baino gehiago, komunikatzea da.

 Azkenik, Ainara Gurrutxagarekin antzerki mundurako jauzia eman dute gaurko jardunaldietara bertaratu direnek. Jolasetik abiatuta, pixkana-pixkana haurrekin egiten duen lanaren erakustaldi praktikoa egin du gaurkoan.

• 
•