Bertsoa Unibertsitatean 2014-07-09

Gaur bukatuko da "Bertsolaritza eta Ahozkotasuna Hezkuntza Arautuan" ikastaroa

 Aurrera doa Euskal Herriko Unibertsitatean bertsolaritzaren inguruan egiten ari diren "Bertsoa Unibertsitatean" zikloa Donostiako Miramar jauregian. Gaur zikloko lehenengo ikastaroa bukatuko da, "Bertsolaritza eta Ahozkotasuna Hezkuntza Arautuan" izenburua daukana.

 Hiru hitzaldi izango dira gaur. Lehendabizi Iñaki Murua ariko da: "Bertsotan... munduan kokatzeko".

 Ondoren, 10:45ean, Ainhoa Agirreazaldegiren txanda izango da, "Bertsotan... emakume izatearen kontzientzia pizteko" hitzaldiarekin.

 Eguna bukatzeko, 12:15ean, "Bertsoa... Genero berdintasunaz jabetzeko" hitzaldia eskeiniko du Jone Miren Hernandezek.

 Beste bi ikastaro bihar eta etzi

 Bihar eta etzi beste bi ikastaro izango dira. Biharkoan bertsolaritza eta beste sorbide batzuen arteko zubiez ariko dira Maialen Lujanbio, Unai Iturriaga eta Andoni Egaña. Ikastaroan izena emateko aukera dago oraindik. Arratsaldeko 19:00etan, berriz, "Gai edozertarako" bertso-saio berezian ariko dira Maialen Lujanbio eta Unai Iturriaga. Jon Martin izango dute gai-jartzaile eta beste diziplina batzuetako sorkuntzak erabiliko dituzte gai bezala. Sarrera dohakoa da, baina bertara joan nahi izanez gero gonbidapena eskatu beharko da Bertsozale Elkartera deituta.

 Ostiralean, bukatzeko, bertsolaritza gaurko gizartean kokatzen ariko dira Xabier Aierdi, Jon Sarasua eta Miren Artetxe.

• 
•