Herriko jaien baitan 2014-07-21

Plaza ederra Usurbilen

Aurten ere bertso plaza ederra dela erakutsi du Usurbilek, herriko jaietan frontoain egiten den jaialdian. Bertsolariak: Amets Arzallus, Andoni Egaña, Etxahun Lekue, Miren Amuriza, Unai Gaztelumendi eta Asier Azpiroz. Azken biok Usurbilekin lotura berezia duten bi gazte, eta halaxe adierazi zuten agurretan ere. Berrikuntzak ere baziren, batez ere gai-jartze aldetik: urteetan herriko edo bertso-eskolako gai-jartzailea aritu izanda, eta aurten Unai Elizasuk gidatu zuen saioa. Bertso plaza zoragarria egonik ere, jaigunea ere ondoan izateak zenbait unetan dezenteko marmarra ere eragiten zuen. Bukaeran, bertso-paper txapelketako sariak ere banatu ziren: Antton Aranburuk irabazi zuen lehen saria eta Iñaki Agirresarobek bigarrena. Orohar jaialdi ona eta betea joan zen. Behar bada, lehertzea falta izan zitzaion.

• 
•