Amets Arzallus 2014-10-20

Amets Arzallus: "Norbere doinuan kantatzea, bakarkakoa norbereago sentitzeko modua da"

Sekula probatu gabe, 2013ko Txapelketa Nagusian atera nahi zuen Ametsek doinu berria. Bila eta bila ibili ondoren,  Joxan Goikoetxea musikari hernaniarrak Azken bidaia (The last passage) pelikularako sorturiko melodia batean oinarritu zen bere kabuz moldaketa egiteko.
Gernika-Lumoko finalaurrekoan plazaratu zuen lehenengoz eta han hartu zuen “Oso polita zara izatez” izena.

Ohiko neurrian egina dago (10/8) baina bakarkakotan ez hain ohikoa, (maila horretan behintzat) hamabikoa “bakarrik” baita. “Nik sei puntu ongi betetzea lortzen banuen, banekien  neretzako aski, eta sobra ere izango zela” dio berak

• 
•