Gipuzkoako Bertsozale Elkarteak egin du deialdia 2009-05-01

Ahozkotasuna eta bertsolaritza proiekturako irakasle poltsa osatzeko deialdia zabalik dago

 Gipuzkoako Bertsozale Elkarteak deialdia zabaldu du Ahozkotasuna eta Bertsolaritza proiekturako irakasle poltsa osatzeko. Era honetan, 2009-2010 ikasturtean hiru esparrutan izango diren beharrei erantzun nahi zaie: Hezkuntza arautuan, bertso eskoletan eta jarduera osagarrietan.

 Bertan parte hartzeko zera eskatzen da: lizentziatura edo diplomatura izatea. Horrez gain, honako titulu eta esperientziak hartuko dira kontutan:

 -Bertsolaritzarekin duen harremana
 -Irakaskuntzan duen esperientzia
 -Irakaskuntzari lotutako tituluak
 -Koordinazio eta antolaketa lanetarako gaitasuna eta esperientzia

 Interesa daukanak 2009ko maiatzaren 22an baino lehen bidali beharko du Curriculum vitaea Gipuzkoako Bertsozale Elkartera. Bi modu daude honetarako. Batetik, posta arruntez honakoa da helbidea: Larramendi kalea, 7-behea 20400 Tolosa. Helbide elektronikoa berriz, hauxe da: gipuzkoa@bertsozale.com. Informazio gehiago nahi izanez gero egin klik hemen.

• 
•