Larunbatean Kanpezun 2015-05-25

Festa giroan borobildu zen Arabako Eskolartekoa

 Festa giroan borobildu zuten Arabako Eskolartekoa larunbatean Kanpezun. Arabako bertso-eskoletako kideek egun osoko festa izan zuten. Goizean, Mendialdeko eta Aramaioko gaztetxoek bertso-sorta bana kantatu zuten. Ondoren, 14 eta 18 urte bitarteko gazteek bat-bateko finala jokatu zuten. Honako seikote hau atera zen oholtzara:

 Markel Yoyer (Ilarduia)
 Irati Ruiz de Pinedo (Zalduondo)
 Unai Argote (Gasteiz)
 Peru Amorrortu (Gasteiz)
 Peru Abarrategi (Aramaio)
 Unai Etxenausia (Aramaio)

 Aurten ez da txapelik banatu Eskolartekoan. Horren ordez, saioko irabazleari egurrezko mikrofono bat eman zioten. Hemendik aurrera, urtez urte mikrofono hori emango zaio finaleko garaileari, transmisioaren sinbolo bezala. Aurtengoan Peru Abarrategik jaso du mikrofonoa. Berarekin batera Peru Amorrortu izango da Arabako ordezkaria ekainaren 27an Orion jokatuko den Euskal Herriko Eskolartekoan.

 Egun osoko festa

 Finalaren ostean, bertso-triki-poteoa egin zuten herriko kaleetan, eta kalejiran joan ziren bazkari herrikoira. Bazkalostean, herriko plazan gazteek emanaldi bereziak eskaini zituzten, eta dantzan ere aritu ziren.

 Goizeko saioko aukeraketa ikusgai dago Bertsoan.

• 
•