Gaur, 14etan, Euskadi Irratian 2009-05-16

Abadiño eta Andoaingo saioak eskainiko ditu Hitza jolasek

 Gaur, eguerdiko 14etan izango da Hitza Jolas programa, Euskadi Irratian, astero bezala. Gaurko honetan bi saio emango ditu programak: Andoaingoa eta Abadiñokoa. Bestalde, bederatzikoan, Bernardo Azpillagak Lizarretak jarritako puntuari erantzungo dio. Azkenik, Jon Artano elkarrizketatuko du progtamak. Hitzetik Hortzerako zuzendaria da Artano, eta programaren festari buruz hitz egingo du. Gainera, Uztapideri buruz atera berri duten liburuari buruzko informazioa ere emango du Hitza Jolasek.

 Bihar ere izango da programa. Biharkoan Zegama, Gabiria, Zumaia eta Andoaingo bertsoaldiak izango dira entzungai. Bederatzikoan, Andoni Larrañagak erantzungo dio Bernardo Azpillagak jarritako puntuari. Bertso zaharren atalean Mattin eta Lasartek duela berrogei urte kantatuak emango dituzte. Azkenik, Aitor Sarriegik Argian argitaratutako sorta bat kantatuko dute. "Bertso berriak, Lakuako nomadari jarriak" da sortaren izenburua. Bihar ere 15etan izango da programa.

• 
•