JAIOTZAREN MENDEURRENEAN 2009-05-16

Uztapixeri omenaldia Zestoan

Manuel Olaizola Uztapideri omenaldia egin diote gaur Zestoan, bere jaioterrian, mendeurreneko ekitaldien barruan. Lehenik, Udaletxean bere bertsolari eta idazle izaera goraldu dute, eta ondoren omenaldia egin diote bere izena eramango duen plazan. Lehenengo ekitaldian Bertsolaritza, Euskaltzaindia eta ordezkari publikoak izan dira hitza hartu dutenak: Iñaki Murua Bertsozale Elkarteko lehendakariak, Andres Urrutia Euskaltzainburuak, Maria Jesus Aranburu Gipuzkoako Aldundiko Kultura eta Euskara diputatuak eta Alazne Olaizola Zestoako Alkateak Uztapideren ekarpena txalotu dute, Batzar aretoa gainezka zela. Aurrean, Kontxi IturainUztapide zenaren emaztea eta semea.

Ondoren, Uztapide plaza izena hartu duen gunera joan dira denak elkarrekin eta han Kontxi Iturainek kendu dio zapia Uztapideren oroitarriari, Agur jaunak doinu artean. Jarraian, bertsoak etorri dira: Xabier Amuriza, Sebastian Lizaso, Jon Lopategi eta Andoni Egana. Lau txapeldunak bertso bana bota diote Uztapide zenari. Nikolas Zendoiak eta Olaldek ere bertso batzuk bota dituzte eta bukaeran, eskerrak emanaz, Manuel Olaizola Uztapide bigarrenak  kantatu du, Manulen semeak.

Ekitaldian 150 lagun bildu dira. 

• 
•