San Isidro eguneko saio bat emango dute 2009-05-20

Orio eta San Pedroko arraunlariak bertsotan ariko dira Hitzetik Hortzeran

 Astean bitan emititzen da Hitzetik Hortzera: ostegunetan, iluntzeko 21:30etan ETB3n eta igandeetan, eguerdiko 14:45etan ETB1en. Aste honetan San Isidro egunean Zizurkilen izan zen saioa eskainiko dute. Josu Oiartzabal eta Bixente Gorostidi aritu ziren kantuan, bazkalaurretik eta ondoren.

 Horrez gain, Galtzagorriei to, Iñaxito ikuskizuna izan zen Urretxun. Emanaldiaren unerik onenak eskainiko ditu programak aste honetan.

 Bestalde, arraun denboraldia hastera doala eta, San Pedro eta Orioko arraunlariak ere bertsotan ariko dira.

 Zuri Beltzekoan Egileor eta Joxe Lizasoren saio bat izango da ikusgai.

 Gainera, Uztapideren jaiotzaren mendeurrena dela eta ospatzen ari diren ekitaldien berri emango du Hitzetik Hortzerak. Azkenik, Hitzetik Hortzeraren lehenengo Txapelketaren une gogoangarriak ikusgai izango dira.

• 
•