Bertso saioa izango da 2009-06-04

Gaur bukatuko da DF BertsoZALE Eskola

 Gaur bukatuko da DF BertsoZALE Eskola. Ia hilabetez aritu dira bertsolaritzaren nondik norakoak lantzen, Durangoko Plateruena Kafe Antzokian. Asteartero izan dira hitzaldiak. Joan zen maiatzean Igor Elortzak iritzi artikulu bat plazaratu zuen Berrian. Bertan azaltzen zuen bertsolaritzan bazela hutsune bat: "gutxi ahalegintzen gara zale arruntarentzako proposamenik lantzen, ohiko saioetako entzule izatera gonbidatzea ez bada. Salbuespenak salbuespen, gaztetxoei begirakoak dira gaur egungo bertso eskolak (hastapenetakoak ez bezala), eta bertsotan ikasteko eta aritzeko aukera izan ohi da euren eskaintza nagusia. Beste diziplina batzuetan ugari samarrak izan arren (irakurleen txokoak literaturan, berbarako), gure kasuan urriak dira zalearentzako pentsaturiko eskaintzak; bertsotan aritzeko intentziorik barik bertsoez gehiago jakiteko eta gozatzeko gogoa dutenentzako eskaintzak, diot. "

 Behar horri erantzuteko asmoz sortu zen DF BertsoZALE Eskola. Durangaldeko bertsozaleei zuzendutako ekimena izan da. Gaur bukatuko da ikastaroa, eta horretarako bertso saio bat izango da, Plateruenan bertan, iluntzeko 20etan. Honako bertsolari hauek kantatuko dute:

 Eneko Abasolo "Abarkas"
 Miren Amuriza
 Gorka Lazkano
 Eñaut Uruburu "Lepotxo"

• 
•