Astekariaren 90. urteurrena dela eta 2009-06-06
Argiaren omenezko saio berezia izango da gaur
Donostiako Victoria Eugenian izango da saioa. Xabi Paya, Iñaki Murua, Andoni Egaña, Sustrai Colina, Amets Arzallus eta Uxue Alberdi ariko dira bertsotan. Eñaut Agirrek, berriz, Argia astekarian argitaratutako bertso jarrien aukeraketa bat kantatuko du, musikaren laguntzaz. Iluntzeko 20etan hasiko da saioa. Sarrerak agortuta daude.
Aurten 90 urte betetzen ditu Argia aldizkariak. Urteurrena ospatzeko zenbait ekitaldi antolatu dituzte. Horien artean dago gaur gauean Donostian egingo den bertso saio berezia. Victoria Eugenia antzokian izango da saioa, iluntzeko 20etan. Honako bertsolari hauek ariko dira bertsotan:Amets Arzallus
Sustrai Colina
Andoni Egaña
Uxue Alberdi
Xabi Paya
Iñaki Murua
Bertsolari hauek Argia astekarian lanean aritu izan dira, bai kazetari bezala eta baita iritzi-emaile bezala ere. Hortik saioaren izenburua: "Etxeko Ahotsak".
Gainera, Eñaut Agirre ere ariko da kantuan Imanol Kamio eta Aitor Atxega musikariek lagunduta. Hernaniarrak Argian argitaratutako bertso jarrien hautaketa bat kantatuko du.
Erreserbatutako sarrerak goizeko 11:30etatik aurrera jaso ahal izango dira, Victoria Eugeniako lehiatiletan. Erreserbarik egin ez duenak jada ez dauka sarrerarik, agortu egin baitira.
Bertsoa.com-ek zuzenean emango du gaurko saioa.
Albiste gehiago
Bertso eskoletarako material berria Bertsoeskola.eus-en 2024-10-09
Ume eta gaztetxoentzako 16 sorta musikatu berri Lapurdi, Baxenafarroa eta Xiberoako bertsolariek eginak
Gipuzkoako Txapelketa - Eli Pagola Apezetxea 2024-09-24
«Oso gustura ari naiz bertsotan eta lortzen dut egindako lana plazara ekartzea»
Larunbatean 21:00etan ETB1n 2024-09-19
Hitzetik Hortzeran Arrate eta Donostiako bertsoak eta Olatz Salvador musikaria
Larunbat honetan hasiko da denboraldi berria 2024-09-12
