Udako Euskal Unibertsitatearen barruan 2009-06-08

Aurten ere Bertsolantegia antolatu du Bertsozale Elkarteak

 Hirugarren aldiz antolatu da aurten Bertsolantegia. Euskal Herriko Bertsozale Elkarteak eta Udako Euskal Unibertsitateak egindako elkarlanaren emaitza da. Lehenengo aldiz Villabonan egingo da aurten, Mintzola etxean. Belaunaldien arteko harremanak eta gogoetak bultzatzea da ikastaro honen helburua. Uztailaren 1etik 3ra bitartean egongo da ikastaroa martxan. Honako hau da egitaraua:

 UZTAILAREN 1a, ASTEAZKENA
 Bertso, Rap & Rock-and-roll
  Bertsolaritzaren eta musika estilo hauen arteko harremanak zertan diren aztertuko da. Goizean hitzaldi eta mahai-ingurua izango da, arratsaldean rap tailerra eta ilunabarrean bertso-saioa.

 UZTAILAREN 2a, OSTEGUNA
 Kazetaritza eta bertsolaritza: hitzez hitz
  Kazetaritzan aritzen diren bertsolari asko daude gaur egun. Bi alorrak nola uztar daitezkeen kontatuko dute. Goizean hitzaldi eta mahai-ingurua izango da, arratsaldean kazetaritza tailerra eta ilunabarrean bertso-saioa.

 UZTAILAREN 3a, OSTIRALA
 Nortasuna bertsotan eta bertsolariengan
  Goizean hitzaldi eta mahai-ingurua izango dira eta eguerdian, berriz, bertso-bazkaria.

 Matrikulatzeko azken eguna ekainaren 19a izango da. Izena eman nahi izanez gero egin klik hemen. Prezio arrunta 117 eurokoa da. Ikasleentzat merkeagoa da prezioa: 99 euro. UEUko kidea edota Euskal Herriko Bertsozale Elkarteko Bazkideek, berriz, 59 euroren truke eman dezakete izena.

• 
•