14 urtera artekoen mailan 2009-06-08

Donibane Lohizuneko taldeak irabazi zuen Iparraldeko Bersulari gazteen txapelketa

 Joan zen ostiralean jokatu zen Iparraldeko bertsolari gazteen finala 14 urtera artekoen mailan. Hazparneko Mendeala salan ospatu zen Bertsolari Ttiki egunean izan zen saioa. 500 haurretik gora elkartu ziren bertan. Honako talde hauek aritu ziren kantuan:

 Garazi A
 Xalbador A
 Xalbador C
 Donibane Lohizune

 Azkenean Donibane Lohizuneko taldea gelditu zen txapeldun. Dena den, txapelaz gain, beste sari batzuk ere banatu ziren. Talderik irringarrienaren saria Xalbador A-k irabazi zuen; talderik ausartena Xalbador C izan zen eta euskara plantakoena baliatu zuena, berriz, Garaziko taldea. Honez gain, Euskal Herriko Eskolarteko txapelketarako iparraldeko ordezkariak ere aukeratu zituzten. Honako hauek izango dira:

 Zuberoatik:
  Johaine Sarraillet
  Ibai Thornary

 Lapurditik:
  Ortzi Murua
  Maddi Sarasua

 Behe Nafarroatik:
  Eñaut Zaldunbide
  Allande Etxeberri

 Bertso-paperetako sariak ere banatu ziren. Guztira 500 parte hartzaile baino gehiago izan ziren.

 Bazkalostean "Galtzagorriei to, Iñaxito!" ikuskizunaz gozatu ahal izan zuten bertaratu zirenek.

• 
•