Bertsolari Txapelketa Nagusia 2017 2017-11-21

Sustrai Colina: " BEC-erako gogotsu eta itxaropentsu nago"

Amurrioko saioa amaitutakoan oholtza gainean kantari jardun zuten sei bertsolariekin hitz egin genuen. Finalerako aukerak aztertu, txapelketa agurtu...bakoitzak bere ikuspuntutik hitz egin zuen bertsoaren mikrofonoaren aurrean. Oholtza gainean izan ziren Sustrai Colina, Beñat Gaztelumendi, Jon Maia, Nerea Ibarzabal, Jon Martin eta Etxahun Lekue.

Sustrai Colinak 701 puntu bilduta Amurrioko saioa irabazi eta BEC-era begira jarri da urruñarra. Bere atzetik sailkatu ziren Beñat Gaztelumendi, Jon Maia, Nerea Ibarzabal, Jon Martin eta Etxahun Lekue. Aintzane Irazustak egin zituen gai jartzaile lanak eta 1325 bertsozalek bete zutenBañueta kiroldegia.