Erniarraitz Gazte sariketa 2018-02-26

Eneko Araiztegi ere Erniarraitzeko finalera

Erniarraitz gazte sariketako bigarren kanporaketa jokatu zen atzo Errezilen. Eneko Araiztegi, Jon Gurrutxaga, Maider Arregi, Eli Pagola, Eñaut Martikorena eta Malen Amenabar aritu ziren kantuan, Jokin Urangak gaiak jarrita. Borondegi aretoa lepo bete zen bertsolari gazteen lana jarraitzeko. Lan puntuagarriak amaituta, epaileek Segurako bertsolaria jo zuten irabazle eta berak eskuratu du finalerako bigarren txartela. Aurreko astean Aratz Igartzabalek eskauratu zuen lehena. Honela gelditu zen puntuaketa: Eneko Araiztegi (229,5 puntu), Jon Gurrutxaga (225,5 puntu), Maider Arregi (225 puntu), Eli Pagola (215, 5 puntu), Eñaut Martikorena (213,5 puntu) eta Malen Amenabar (212,5 puntu).

Finalera, saioko irabazlea eta puntuazioz hiru
Eniarraitz sariketan hiru kanporaketako irabazleak eta hiru puntuaziorik onenak sartzen dira finalera. Hirutik bi kanporaketa jokatuta, honela dago sailkapena.

Aratz Igartzabal    (236,5 puntu)         zuzenean finalera
Eneko Araiztegi     (229,5 puntu)         zuzenean finalera
Joanes Illarregi     (235 puntu)
Jon Gurrutxaga     (225,5 puntu)
Maider Arregi        (225 puntu)
Txaber Altube       (222,5 puntu)
Maialen Akizu       (222,5 puntu)
Oier Etxeberria     (221 puntu)
Eli Pagola             (215, 5 puntu)
Eñaut Martikorena (213,5 puntu)
Malen Amenabar   (212,5 puntu)
Aitor Servier         (207,5 puntu)

Guztira, 18 bertsolari ari dira parte hartzen txapelketan. Lehen kanporaketa Azkoitian jokatu zuten joan den astean, eta saio hartan, Aratz Igarzabal izan zen irabazlea. Gaurko kanporaketa jokatuta, beste bat falta da jokatzeko; martxoaren 4an egingo dute, Zestoako kultur aretoan. Hiru kanporaketen irabazleak eta puntu gehien lortzen dituzten beste hiru bertsolari sailkatuko dira finalera.