Arabako Bertsozale Elkarteak antolatuta 2018-05-02

16 bertsolari ariko dira "Oholtzapetik" ekimenean

Maiatzaren 4an hasita, lau ostiraletan egingo dira saioak, eta saio bakoitzean lau bertsolari ariko dira kantuan. Entzuleek erabakiko dute saio bakoitzetik ze bertsolari sailkatuko den ekainaren 1ean Murgian egingo den saiora.

2016ko udaberrian egitasmo berritzailea jarri zuen abian Arabako Bertsozale Elkarteak. Entzuleak eta bertsolariak elkarrengana hurbildu eta "Oholtzapetik" zikloa jarri zuen martxan: oholtzarik gabe aritu ziren bertsolariak kantuan, entzuleak epaile jarrita.

16 bertsolari kantuan

Aurten ere, bide horri jarraipena emanaz, "Oholtzapetik" ekimena antolatu du Arabako Bertsozale Elkarteak. Arabako 16 bertsolarik hartuko dute parte lau saiotan, eta saio bakoitzeko entzuleek bertsolari bat hautatuko dute. Hala, saio bakoitzetik sailkatutako lau bertsolariek ekimena borobilduko duen emanaldia egingo dute Murgian.

Egitaraua

Lau ostiraletan egingo dira saioak, iluntzeko 20:30ean. Hauek dira saioetan ariko diren bertsolari eta gai-jartzaileak:

-Maiatzaren 4an, Artziniegan:
   Martin Abarrategi
   Andere Arriolabengoa
   Aroa Arrizubieta
   Rikardo Gonzalez de Durana
    Gai-jartzailea: Nieves del Alamo

-Maiatzaren 11n, Agurainen:
   Manex Agirre
   Paula Amilburu
   Unai Anda
   Asier Otamendi
    Gai-jartzailea: Aitana Iradier

-Maiatzaren 18an, Laudion:
   Xabi Antia
   Izar Mendiguren
   Oihane Perea
   Felipe Zelaieta
    Gai-jartzailea: Lierni Altuna

-Maiatzaren 25ean, Izarran:
   Jagoba Apaolaza
   Zigor Enbeita
   Xabi Igoa
   Markel Yoyer
    Gai-jartzailea: Aintzane Irazusta

Azkeneko saioa ekainaren 1ean izango da, ostiralez, iluntzeko 20:30ean Murgian. Saio bakoitzeko bertsolari bozkatuenak ariko dira kantuan, Oier Suarez gai-jartzaile dutela.