Oholtzapetik egitasmoa 2018-05-08

Aroa Arrizubieta izan zen txalotuena Artziniegan

Andere Arriolabengoa, Rikardo Gonzalez de Durana eta Martin Abarrategi izan zituen kantukide. Entzuleak izan ziren epaile, eta Aroa Arrizubietari eman zioten ekainaren 1ean Murgian kantatzeko aukera.

Joan zen ostiralean abiatu zen Oholtzapetik ekimena Araban. Entzuleak epaile zituztela lau bertsolari aritu ziren kantuan Artziniegan: Martin Abarrategi, Aroa Arrizubieta, Rikardo Gonzalez de Durana eta Andere Arriolabengoa. Nieves del Alamo izan zuten gidari, eta Aroa Arrizubieta izan zen publikoak gehien txalotu zuen bertsolaria. Bera sailkatu zen, beraz, ekainaren 1ean Murgian egingo den saiora.

16 bertsolari kantuan

16 bertsolari ari dira Oholtzapetik ekimenean parte hartzen. Lau saio egingo dituzte lehendabiziko fasean, entzuleak epaile direla. Saio bakoitzeko bertsolari txalotuena ekainaren 1ean Murgian egingo den saiora sailkatuko da.

Ostiral honetan Agurainen

Ostiral honetan izango da bigarren saioa, Aguraingo Santa Maria plazako olbea inguruan, arratsaldeko 20:30ean hasita. Manex Agirre, Paula Amilburu, Unai Anda eta Asier Otamendi ariko dira kantuan, Aitana Iradier aurkezle dutela.