Orixe Saria 2018-05-23

Orixe Saria jokatuko da igandean Añorgan

 25 urtetik gorako bertsolariei zuzenduta dago Orixe Saria. Bi urtetik behingo maiztasunarekin antolatu izan da azken urteotan, baina iaz huts egin ondoren, aurten itzuliko da, 2015eko ediziotik hiru urte bete direnean.

 Igandean Añorgan

 Añorgan jokatuko da sariketa, igande honetan, bazkalostean. 13:30ean hasiko da bazkaria Jolas Etxean eta ondoren honako seikote hau ariko da kantuan:

  Iñaki Zelaia
  Nahikari Gabilondo
  Unai Gaztelumendi
  Eneko Lazkoz
  Iratxe Ibarra
  Manex Mujika

 Añorgako bertso-eskolako kideak ariko dira gai-jartzaile lanetan eta Mikel Lersundi, Zigor Leunda eta Martin Aramendi izango dira epaile.

 Izen ematea zabalik

 Bazkaritarako izena emateko aukera dago jadanik, Jolas Etxean bertan.

 Historia

 Orixe Saria 1972an antolatu zen lehenengo aldiz Añorgako zenbait bertsozaleren ekimenez. Lehenengo ediziotik bigarrenera hiru urte pasa ziren arren, handik 1978ra arte urtero antolatu zen. Hemeretzi urtetako etenaren ondoren, 1997tik aurrera bi urtetik behingo maiztasunez antolatu izan da sariketa. Honako hauek izan dira irabazleak:

1972an Euxebio Igartzabal
1975ean Xabier Zeberio
1976an Juan Mari Narbaiza
1977an Jon Enbeita
1978an Luis Otamendi
1997an Arkaitz Goikoetxea
1999an Pablo Suberbiola
2001ean Ainhoa Agirreazaldegi
2003an Estitxu Eizagirre
2005ean Ekaitz Goikoetxea
2007an Unai Agirre
2009an Ibai Esoain

2011n Jokin Uranga
2013an Iñigo Mantzizidor “Mantxi”
2015ean Arkaitz Oiartzabal "Xamoa"