Asteburuko bertso-agenda 2018-11-09

Asteburuko bertso-agenda sareko plazan

Azaroak 9, ostirala

Baigorriko Manexenea elkartean izango da Taldekako Xilabako lehen faseko hurrengo kanporaketa. Bertso-afari formatuan izango da eta nor baino nor arituko dira Tirrit eta Dilindan taldeak arratsaldeko 20:00etan hasita.

Arratsaldeko 19:30etan Bertxoko sariketa izango da Zalduondon. Kantuan izango dira Aroa Arrizubieta, Beñat Cano, Aitor Najera eta Jon Ruiz de Pinedo.

Bilbon bertso jaialdiaz gozatzeko aukera izango da arratsaldeko 18:30etan Urkiola tabernan. Kantuan arituko dira Amaia Agirre, Saioa Alkaiza eta Maider Arregi. Gai-jartzaile lanak Maite Berriozabal-ek egingo ditu.

Iluntzeko 21:30etan Mallabiko Bertsolari Gazteen Txapelketa izango da Trabaku Goiko jatetxean. Kantuan izango dira Peru Abarrategi, Aitor Bizkarra, Haritz Mujika eta Mikel Tapia.

Gainera, lagun-arteko bertso-saioak izango dira Ituren, Zestoa, Getxo, Durana eta Orozko-n. Informazio guztia hemen.

Azaroak 10, larunbata

Iruñan "Petresku etzi ez esti" haurrentzako emanaldi berezia izango da 12:00etan eta 18:00etan Bertsoaroa ekimenaren programazioan. Eider Perez eta Eneko Arrate-k gidatuko dute emanaldia.

Bilboko Hika ateneoan bertso-bazkari ostean kantuan arituko dira Uxue Alberdi eta Jon Maia.

Larrean arratsaldeko 19:00etan bertso-saio antolatu dute Andere Arriolabengoa eta Izar Mendigurenekin.

Gainera bertsoaz gozateko aukera izango da Baiona, Orio, Gorriti eta Irun-en. Informazio guztia hemen.

Azaroak 11, igandea

San Martin auzoko jaiak ospatuko dituzte Ataun-en eta horretarako bertso jaialdia antolatu dute. Arratsaldeko 19:30etan hasita kantuan izango dira Sustrai Colina, Oihana Iguaran, Sebastian Lizaso eta Anjel Mari Peñagarikano. Gai-jartzaile lanak Amaia Agirre-k egingo ditu.

Santuak ez dira herri bakarrean ospatzen eta Errezil-en ere bertso jaialdia antolatu dute San Martin-etan. Arratsaldeko 17:30etan hasita kantuan arituko dira Andoni Egaña, Onintza Enbeita, Agin Laburu eta Alaia Martin. Gai-jartzaile lanak Nekane Zinkunegi-k egingo ditu.

Gainera bertsotan arituko dira Altzo, Aldatz, Kanpezu, Zarautz, Arrieta, Amezketa eta Zumarraga-ko plazetan. Informazio guztia hemen.