Gazte sariketak 2018-12-10

Eli Pagolak irabazi du Xenpelar Saria

Eli Pagola hernaniarrak irabazi du 24. Xenpelar Sariketa, atzoko finala irabazita. Jexux Mari Irazuk jantzi zion txapela, 1992an irabazle izanak. Bertso onenaren saria ere Pagolak berak eraman zuen Legea hitza emanda 9 puntuan botatako bertsoagatik.

Bigarren, buruz burukoa jokatuta, Ane Zuazubiskar arrasatearra gelditu zen. Biokin batean, kantuan aritu ziren Jon Gurrutxaga azpeitiarra, Joanes Illarregi leitzarra, Jokin Bergara eibartarra eta Aitor Salegi zestoarra. Sei bertsolarik jokatu zuten finala, aurrez hiru kanporaketa jokatuta.