Xabi Payak iritzi artikulua idatzi du Berrian. 2009-07-01

"Yes we can"

 Xabi Payakiritzi artikulua idatzi du Berrian. Joan zen asteanIgor Elortzak idatzi zuenari jarraipena ematen dio gaurkoan. Honela dio: "Bertsolaritzak bizirik irauteko herriaren mikro esanahia behar du, euskal herrietan egiten diren bertso saioek eta eskolek bizi baitute. Aurrera egiteko, ordea, herriaren ikuspegi makroa behar du, belodromoko txapelketa BECera eramatea edo Bertsozale Elkartearen egoitza nagusia Bilbotik 100 kilometrora jartzea erabaki zuena, esaterako. Mikroa eta makroa lotuta egotea ez da ezinbestekoa, baina onuragarria izan daiteke behetik gorako egituran."

 Bertsolaritza erdal mundura zabaltzeko ahalegina jartzen du uztartze horren adibidetzat. Xabi Payaren ustez "bertsolaritza ere ireki beharreko esparru kulturala da."

 "Lotura zutelakoan"

 Bestalde, Berriako orrialde berean erreportaje bat idatzi du Beñat Zamalloak. Bertso hop saioak aztertu ditu bertan. Horretarako, Unai Muñoa bertsolariaren eta Eneko Axpe abeslariaren hitzak bildu ditu.

 Eneko Axpek hasieran uste omen zuen bertsolaritza eta rapa "oso antzekoak" zirela. "Zenbat eta denbora gehiago pasatu, orduan eta gehiago pentsatzen dut alderantziz dela. (...) rapean ez du errimatu behar, belarrira ondo ematen badu, ondo errimatuta dago, eta batzuetan errimatu gabe ere utz dezakezu".

 Unai Muñoak dio saio mota honek "bertso munduan harrera hobea duela rap munduan baino. (...) Saio hauek bertso mundua oso ezaguna den inguruetan egin izan ditugu; eta bertsoa estimatzen duten inguruetan berrikuntzarekiko pausuAk azkenaldi honetan oso ondo hartu dituzte." Bere ustetan bertsolaritzak "ikusgarritasuna" hartu dezake rapetik.

• 
•