Uxue Alberdi - 'Kontrako eztarritik' saiakera 2019-03-05

Ahots publikoa duen emakumearen jarduna azpiratzeko 22 mekanismo, bertsolaritzaren kontestura ekarriak

Uxue Alberdik 'Kontrako eztarritik, emakume bertsolarien testigantzak' saiakera aurkeztu zuen atzo Donostian, Susak argitaratuta. Bertsolaritzaz kanpoko teorizazioak ekartzen ahalegindu da, literatura eta artearen eremutik, "ez delako bertsolaritzan soilik gertatzen den fenomenoa, orokorragoa baizik"

Ahots edo mintzo publikoa duen emakumearen jarduna azpiratzeko martxan dauden hogeita bi mekanismo identifikatu eta aletu ditu Uxue Alberdik, bertsolaritzaren kontestura ekarrita.

Bertsolaritzaz kanpoko teorizazioak ekartzen ahalegindu da, literatura eta artearen eremutik besteak beste, "ez delako bertsolaritzan soilik gertatzen den fenomenoa, orokorragoa baizik". Alberdik azaldu du lan honek tresna analitiko baten zirriborroa izan nahi lukeela bakoitzak bere modura erabiltzeko.

Marko teoriko horren mamia egun plazan dabiltzan 15 bertsolariri egindako elkarrizketek osatzen dute. Testigantzak utzi dituzten bertsolariak dira: Amaia Agirre, Ainhoa Agirreazaldegi, Maialen Akizu, Miren Amuriza, Maider Arregi, Miren Artetxe, Maddalen Arzallus, Oihana Bartra, Onintza Enbeita, Nerea Ibarzabal, Oihana Iguaran, Alaia Martin, Ane Labaka, Eli Pagola eta Jone Uria. Jule Goikoetxeak idatzi du liburuaren hitzaurrea.



Aurkezpen ekitaldian, testigantza eman zuten bertsolarietako batzuk ere bertan izan ziren. Horra bideoan, Uxue Alberdiri aurkezpen egunean egindako elkarrizketa.

Albiste gehiago

Jon Lopategiren heriotza 2019-02-12

Jon Lopategiri hiletan kantatutako bertsoak

Bertsolari eta bertsolaritza irakasle 2019-02-08

Jon Lopategi hil da