Gazte sariketak 2019-04-02

BBK sariketako finala jokatuko da asteazkenean

Apirilaren 3an jokatuko da Bertsolari Gazteen XXVII. BBK Sariketako finala. Bilboko BBK Aretoan izango da, 18:00etan.

Aurten Durangaldea eta Hego Uribe taldeak iritsi dira finalera, eta eskualde bakoitza seikote batek defendatu du. Durangaldetik, Irune Basagoiti, Ander Sarriugarte, Bittor Altube, Gorka Pagonabarraga, Aitor Bizkarra eta Peio Azkarate aritu dira kantuan. Hego Uribetik, berriz, Itxasne Rodriguez, Gerizeti Zubiaurre, Maider Altuna, Ander Anakabe, Mikel Aiartzaguena eta Peio Molinuevo.

Sei kanporaketa egin dira Bizkaiko hainbat eskualderen artean, eta asteazken honetan jakingo da eskualde txapeldunaren izena.