what is bertsolaritza? 2019-07-11

'What is Bertsolaritza' Uda Ikastaroetan

'What is Bertsolaritza' Uda Ikastaroetan
Etxepare Euskal Institutuak antolatutako eskolaren baitan, dokumentala ikusiko dute uztailaren 11an Donostian.

Bikaintasuna Euskal Ikasketetan. IX. Euskara eta euskal kultura eremu digitalean izenburupean, Uda Ikastaroa antolatu du Etxepare Euskal Institutak Miramar Jauregian. Bertan eremu digitala izango dute hizpide, eta bizi dugun garai honetan teknologiak eta eremu digitalak euskararen eta euskal kulturaren irakaskuntzari egin diezaioketen ekarpena aztertuko dute.

Testuinguru horren baitan, What is Bertsolaritza? dokumentala proiektatuko dute ostegunean, uztailak 11, 16:00etan. Ondoren, Miren Ibarluzeak eta Xabi Payak hitz egingo dute ikus-entzunezkoek kultura eskoletan jokatu dezaketen paperaren inguruan. 

Eta zer da What is Bertsolaritza?

Bertsolaritza nazioartean azaltzeko eta hobeto ulertzeko What is Bertsolaritza? ikus-entzunezkoa landu zuten Mintzola Ahozko Lantegiak eta Etxepare Euskal Institutuak. Bertsolaritza eta bertsogintzari buruzko oinarrizko ikuspegi zabala ematen du 20 minututan. Ingelesez ematen dira azalpenak eta azpitituluak ditu euskaraz, frantsesez zein gazteleraz.

Bertsolaritzaren jatorri eta testuingurutik hasita, eta Bertsolari Txapelketa Nagusia aitzakia hartuta, kantu inprobisatuaren deskribapena egiten da. Modu erakargarri eta argian bertsoaren sormen prozesua ere azaltzen da.

Xabi Payak egin du gidoia eta Bertsozale Elkarteko Hedapen lan taldeak gauzatu proiektua (Felix Irazustabarrenak, Haritz Arrizabalagak, Luix Gurrutxagak, Gaizka Azkaratek, Jexux Mari Irazuk eta Jon Agirresarobek) Eneritz Urkolak gidatuta. Maddalen Arzallusek egin du bertsoaren sormen prozesuaren irudikapena eta Larraitz Ariznabarretak jarri du ahotsa. Nerea Ibarzabalek ere parte hartu du errimen tratamenduari buruzko grabaketetan. Frantsezesko itzulpenak Ortzi Idoatek egin ditu.

Dokumentala osorik ikusgai hemen

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin