Hizkuntza gutxituak 2019-07-17

'Hizkuntza gutxitu baten arrakasta' dokumentalaren emanaldia, asteazkenean Donostian

'Hizkuntza gutxitu baten arrakasta' dokumentalaren emanaldia, asteazkenean Donostian
Bart Kingma frisiarrak eta bere taldeak osatutako ikus-entzunezkoa da, bertsolaritzaren ingurukoa. Emanaldia Donostiako Euskaltzaindiaren egoitzan izango da, 19:00etan.

Bertsolari Txapelketa Nagusia baliatu zuen Bart Kingma zuzendari frisiarrak eta bere taldeak bertsolaritzaren inguruko Hizkuntza gutxitu baten arrakasta ikus-entzunezkoa ekoizteko. Txapelketako irudiak ez ezik, Andoni Egaña bertsolari eta Mintzola Ahozko Lantegiko kidearekin edota Saroi Jauregi gai jartzaile eta Gipuzkoako Bertsozale Elkarteko lehendakariarekin solasean aritu ziren, eta ikastetxe bateko bertsolaritza eskola ere grabatu zuten, besteak beste.

2018an aurkeztu zuten ikus-entzunezkoa Frisian, Leeuwarden-Fryslân 2018 Kultur Hiriburutza tarteko, eta baita hango telebista kateetako batean, Omrop Fryslân delakoan. Orain, azpitituluak jarrita, hemen ere aurkeztuko dute: asteazkenean izango da emankizuna Euskaltzaindiaren Donostiako egoitzan, 19:00etatik aurrera.

Donostia 2016 kultur egitasmoaren baitan abiatutako Other Words proiektuak sustatu du ikus-entzunezkoa. Donostia Kulturaren lankidetza izan du, eta baita Gipuzkoako Bertsozale Elkartearena ere. Uztailean egingo dituzten hiru ekitaldien zerrendako lehena du hau Other Words proiektuak.

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin