agenda 2019-09-20

Agendan ez kabitzeko adina saio asteburuan

Irailak 20, ostirala

Etxebarriko Euskal Jaietan bertso poteoa egingo dute 20:00etan Nerea Ibarzabal eta Fredi Paiarekin, Udaletxe plazatik hasita.

Itsasun Taldekako XILABAren ligaxka jokatuko da, "Hasta la 2toria" eta "Ekainaz" taldeen artean. Goxokin izango da, 20:00etan.

Laudioko Faktorian bertso saio musikatua antolatu dute 20:00etarako. Bertsolariak: Uxue Alberdi, Oihana Bartra eta Unai Mendibil.

Zaldibarren bertso afaria antolatu dute Goierriko auzo etxean, 21:00etatik aurrera. Kantuan: Maddalen Arzallus eta Sebastian Lizaso.

Irailak 21, larunbata

Artean bertso poteoa egingo dute 11:30ean Uxue Alberdi eta Sebastian Lizasorekin.

Galdakaon Galdakaoztarren Eguneko bertso bazkarian kantuan arituko dira Arkaitz Estiballes eta Etxahun Lekue, 15:00etan Kurtzeko plazan.

Ordizian Gipuzkoako Txapelketaren final-zortzirenetako beste saio bat egingo da antzokian, 17:00etan hasita. Kantuan: Ainhoa Agirreazaldegi, Asier Azpiroz, Beñat Lizaso, Manex Mujika, Aitor Urbieta eta Ane Zuazubiskar. Aurkezlea: Maddi Labaka.

Beran jaialdia egingo da kultur etxean, 19:00etan. Bertsolariak: Maddalen Arzallus, Oihana Iguaran, Aitor Mendiluze eta Josu Sanjurjo. Gai jartzailea Ainhoa Larretxea izango da.

Hazparnen Taldekako XILABAren ligaxka jokatuko da, oraingoan "Ezkorbrutak" eta "Eskukula" taldeen artean. Bob's Beer-en izango da, 19:00etan.

Sorogainen bestetako bertso poteoa egingo dute 20:00etan Miren Artetxe eta Maddi Sarasuarekin.

Duzunaritzen bertso afaria egingo dute Etxartian, 20:00etatik aurrera. Kantuan: Odei Barroso eta Sustrai Colina.

Bertso gehiago Aizarnazabalen, Lesakan, Urnietan eta Iturenen.

Irailak 22, igandea

Zumaian Gipuzkoako Txapelketaren final-zortzirenetako laugarren saioa jokatuko da. Hau ere 17:00etan, Aita Mari zineman. Bertsolariak: Jokin Bergara, Iñigo Gorostarzu, Beñat Jauregi, Ander Lizarralde, Gorka Maiz eta Unai Muñoa. Aurkezlea: Saroi Jauregi.

Algortan "Hitzaren dantza" ekimena ospatuko dute. Oihana Iguaran, Joanes Illarregi eta Fredi Paia arituko dira kantuan San Nikolas plazan, 11:00etan hasita egun osoan zehar.

Mungiako Larrauri auzoan bertso bazkaria antolatu dute plazako karpan. Kantuan: Ibai Amillategi eta Jone Larrinaga.

Aiherrako kabalkadan bertsotan egingo dute Ramuntxo Christyk eta Aitzol Iturbek, 16:00etan.

Bertso gehiago Getarian.