urriko azken astelehenaren bezperan 2019-10-21

'Argi Baltza' emanaldia, Jon Lopategiren omenez

'Argi Baltza' emanaldia, Jon Lopategiren omenez
Gernika-Lumoko Lizeo antzokian saio berezia antolatu du Lilibertso bertso eskolak urriaren 27rako, 18:00etan. Sarrera guztiak agortuta daude dagoeneko.

Lilibertsokoek Astelehen bezperako bertso saioa egin izan dute azken urteotan, Urriko Azken Astelehenaren aurreko egunean, eta oraingoan emanaldi berezia prestatu dute hitzordu horretarako.

Jon Lopategiren eskolatik zein plazako ibilbidetik igarotako bertsolari eta bestelako artistak igoko dira oholtzara. Bertsoak eta beste zenbait modalitate uztartuko dituzte saioan.

Jabi Arriaga 'Txiplas', Juan Mari Areitio, Onintza Enbeita, Amets Arzallus, Etxahun Lekue, Fredi Paya, Jone Uria eta Aitor Mendiluze ariko dira bertsotan eta Xabi Paya edukiko dute gai jartzaile. Horiekin batera honako gonbidatu bereziak ere egongo dira: Mikel Urdangarin, Unai Iturriaga, Igor Elortza, Josu Zabala, Xabier Amuriza eta Josu Goikoetxea.

Albiste gehiago