None 2020-04-30

Plaza eta Bideak ekimenak maiatzaren 2tik aurrera

Plaza eta Bideak ekimenak maiatzaren 2tik  aurrera
Bertso plaza isilarazi du pandemiak, baina Internet sarea zortziko txikiz eta habaneraz bete du. WiFi seinaleaz harago, ahots hori sendoago entzuteko, Plaza eta Bidaiak ekimenak jarri ditu abian Bertsozale Elkarteak eta atari honetan eskainiko dira larunbatetik aurrera.

Lanku Kultur Zerbitzuen bidez antolatuta zeuden saioei bide emango die Plaza ekimenak. Hitzartuta zeuden saioak online eskaintzeko aukera emango zaie antolatzaileei: bi eskainiko ditugu asteburu honetan. 

Maiatzaren 2an eskainiko da lehen saioa: Idoia Anzorandiak gaiak jarrita, Jone UriaOihana IguaranSustrai Colina eta Xabi Igoa ariko dira kantuan. 18:30ean hasiko da saioa. Hurrengo egunean, 18:00etatik aurrera, Igor Elortza eta Onintza Enbeita ariko dira bertsotan, Kike Amonarrizek jarritako gaiei erantzuten. Bigarren saio hau Erandioko Udalak antolatutakoa da. 

Bidaiak ekimenaren lehena maiatzaren 6an, asteazkenean, eskainiko dugu 18:30ean hasita. Andoni Egañarekin batera, Alaia Martinek eta Amets Arzallusek haurtzarora egingo dute bidaia, eta haiekin joango gara gu ere urteetan atzera. Gai eta molde berritzaileak proposatu, esperimentaziorako gunea izatea nahi dugu, eta asteazkenero irekiko dugu laborategia. 

Bertsolaritzaren ikusgarritasunari eusteko ahalegin horretan aurrez jada abiatua genuen Potokastak ekimenari gehitu zaizkie Plaza eta Bidaiak. Entzuteko elkarrizketa eta sorkuntza ariketa txikiak dira Potokastak eta jada zenbait atal entzungai daude atari honetan bertan; astelehenero ale berri bat.

Ekarpena egiteko bideak

Bertso plaza indartzeko eta bertsolariek proposamen ordainduak izateko helburua dute sareko bertso saio hauek. Bertsozale Elkarteak bere baliabideekin finantzatzen baditu ere, bertsozaleek izango dute beren ekarpena egiteko aukera kanal hauen bitartez:

  • 688.886.935 telefono zenbakian Bizum bidez; eta
  • Euskal Herriko Bertsozale Elkarteko honako kontu edo IBAN kodean:

ES16 3035 0060 43 0600042844 >>> BIC (Swift) kodea behar izanez gero, CLPEES2MXXX

Maiatzaren 2an elkartuko gara Plazan!

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin